Саракі
У нашай установе адукацыі вялікае месца ў далучэнні дзяцей да народнай культуры займаюць народныя, праваслаўныя святы. Склалася добрая традыцыя адзначаць каляндарныя і фальклорныя святы: Зімовыя святкі ці Каляды, Масленічны тыдзень, Саракі, Вялікдзень і г.д.. Мэта нашых святаў пазнаёміць дзяцей з народнымі прыметамі, са звычаямі. Наш вопыт паказаў, што фальклорныя святы ў дзіцячым садзе станоўча ўплываюць на ўсіх дзяцей.
22 сакавіка 2019 года ва ўстанове (дзіцячы сад) прайшло вясёлае і радаснае свята "Саракі - прылёт птушак". Выхавальнікі пазнаёмілі дзяцей з гісторыяй свята, развучылі заклічкі, успомнілі народныя прыкметы. У народных святах няма гледачоў і выканаўцаў: глядач у любы момант становіцца актыўным удзельнікам дзеяння, што спрыяе сапраўднаму перажыванню святочных падзей, развіццю творчых здольнасцяў. Выхаванцы вадзілі карагод, спявалі заклічкі, гулялі ў гульні "Жмурка", "Птушачкі ў гняздзечках" і г.д..
