Згукі мінуўшчыны. Конкурс
11 сакавіка 2020 года па запрашэнні Упраўлення па адукацыі адміністрацыі Кастрычніцкага раёна г. Мінска Заслужаны аматарскі калектыў Рэспублікі Беларусь узорны фальклорны гурт “Берагіня” дзяржаўнай установы адукацыі “Мётчанскі вучэбна-педагагічны комплекс дзіцячы сад-сярэдняя школа Барысаўскага раёна” прымаў удзел у Другім адкрытым конкурсе беларускага народнага спеўнага і музычна-інструментальнага выканальніцтва “Згукі мінуўшчыны”. У праекце “Спеўнае выканальніцтва” браў удзел спеўны гурт “Берагіні” з 11 спевакоў у трох намінацыях: хлапечыя спевы (5 хлопчыкаў), дзявочыя спевы (6 дзяўчынак) і змешаны склад. Па выніках сумы балаў калектыў “Берагіня” атрымаў дыплом ІІ ступені.
У праекце “Турнір салістаў-мультывыканаўцаў твораў народнай спадчыны” бралі ўдзел 6 вучняў. Кожны прадстаўляў асабістую 10-хвілінную праграму, якая змяшчала абрадавую песню, народную казку і найгрыш на народных музычных інструментах. У выніку ўдзельнікі “Берагіні” атрымалі два дыпломы І ступені (Раджабава Кацярына, Кавальчук Аляксей), адзін дыплом ІІ ступені (Гузан Іван) і адзін дыплом ІІІ ступені (Кудзін Кірыл). Дыпломам і падарункам ад газеты “Пераходны ўзрост” адзначаны Міхайлаў Максім.
Да конкурсу спеўны гурт і салістаў падрыхтавала настаўнік беларускай мовы і літаратуры і музычны кіраўнік “Берагіні” А.А.Абрамовіч.
Заслужаны аматарскі калектыў Рэспублікі Беларусь узорны фальклорны гурт “Берагіня” і яго мастацкі кіраўнік М.А.Козенка выказваюць шчырую падзяку кіраўніцтву дзяржаўнай установы адукацыі “Мётчанскі вучэбна-педагагічны комплекс дзіцячы сад-сярэдняя школа Барысаўскага раёна” за стварэнне ўмоў для паспяховай дзейнасці гурту, а таксама упраўленню па адукацыі Барысаўскага райвыканкама за магчымасць прадстаўляць вынікі творчай дзейнасці калектыву на роднай Барысаўшчыне і за яе межамі.
